نستنَّى فيكْ
كِيمَا تْفاهِمْنا
مُوشْ تْفاهِمْنا
غُدْوَة نْلاقيكْ؟..
تِهْبِلْ الألْوانْ / وأنا نخْتارْ / ونفكِّرْ فيكْ..
أصفرْ مغْيارْ؟ / والاَّ أحمرْ عاشِقْ / يرْعشْ بالحبّ / ما بين ايديكْ؟
والاّ أخضرْ باردْ / في نارُو لابِدْ / يمسحْ لكْ تعبِكْ / دُوبَا يْلاقِيكْ؟
غدوة نلاقيكْ..
وشعْري المَهْبُولْ؟ / نْخَلِّيهْ خْصايِلْ / كِيمَا انت تْحبّو..
مُوشْ انت تْحبُّو / طايرْ للرّيحْ؟ / يذْري مع النّسْمة / وعليك يْميحْ
يحيِّرلك قلْبكْ / ويبَدّعْ بيكْ؟
غدوة نْلاقيكْ..
نبْدا نلْبسْ / ونْقيسْ عْليكْ / زَعْمة ما أحْلَى / غُدْوة في عينيكْ؟
رُوبَة نَوّارْ / زينْ وخُنّارْ / وانت محْتارْ / لا تْنجِّمْ حتّى / تْخبّي الّي بيكْ؟
والاّ الحريرْ../ يهفْهفْ ويطيرْ / يخْطفْني موجة / ويرْمينِي عليكْ؟
والاّ قَمْراية / تْباهي بِبْهايَا / وانت بَحْذايَا / والدّنيا حْكاية / تْهيمْ بِيّ وبيكْ؟
غدوة نْلاقيكْ..
حًطْها في بالكْ / عطوراتْ تْعارِكْ / اشْ كونْ يْشارِكْ / في نُوبة غُدْوة
يحْضِرْ ويْباركْ / إحْساسي بيكْ / كِي نْجِي نْلاقيكْ..
غدوة نْلاقيكْ..
نْنادي المْرايَة / تْغنّي لي غْناية / تطْمِّنْ لِي قلْبي / تفرشْ لي ثْنايا
ورْد ومرْجانْ / تْوصّلْني ليكْ / ويوفَى العطَشْ / قدّامْ عينيكْ
ويني عينيكْ؟
موشْ تْفاهِمْنا
غدوة نْلاقيكْ؟..
يتْعَدَّى غُدْوة
وبَعْدو غدوَة
والّي بَعْدو
وما نْلاقيكْ..
إنت نْسيتْ
تَوَّة أعْوامْ
إلّي غدْوة
وهبْتُو ليكْ
وأنا نْسيتْ
تَوَّة سْنينْ
إلّي إنت نَاسِي غُدوة
وما يَعْنيكْ !!
كِيمَا تْفاهِمْنا
مُوشْ تْفاهِمْنا
غُدْوَة نْلاقيكْ؟..
تِهْبِلْ الألْوانْ / وأنا نخْتارْ / ونفكِّرْ فيكْ..
أصفرْ مغْيارْ؟ / والاَّ أحمرْ عاشِقْ / يرْعشْ بالحبّ / ما بين ايديكْ؟
والاّ أخضرْ باردْ / في نارُو لابِدْ / يمسحْ لكْ تعبِكْ / دُوبَا يْلاقِيكْ؟
غدوة نلاقيكْ..
وشعْري المَهْبُولْ؟ / نْخَلِّيهْ خْصايِلْ / كِيمَا انت تْحبّو..
مُوشْ انت تْحبُّو / طايرْ للرّيحْ؟ / يذْري مع النّسْمة / وعليك يْميحْ
يحيِّرلك قلْبكْ / ويبَدّعْ بيكْ؟
غدوة نْلاقيكْ..
نبْدا نلْبسْ / ونْقيسْ عْليكْ / زَعْمة ما أحْلَى / غُدْوة في عينيكْ؟
رُوبَة نَوّارْ / زينْ وخُنّارْ / وانت محْتارْ / لا تْنجِّمْ حتّى / تْخبّي الّي بيكْ؟
والاّ الحريرْ../ يهفْهفْ ويطيرْ / يخْطفْني موجة / ويرْمينِي عليكْ؟
والاّ قَمْراية / تْباهي بِبْهايَا / وانت بَحْذايَا / والدّنيا حْكاية / تْهيمْ بِيّ وبيكْ؟
غدوة نْلاقيكْ..
حًطْها في بالكْ / عطوراتْ تْعارِكْ / اشْ كونْ يْشارِكْ / في نُوبة غُدْوة
يحْضِرْ ويْباركْ / إحْساسي بيكْ / كِي نْجِي نْلاقيكْ..
غدوة نْلاقيكْ..
نْنادي المْرايَة / تْغنّي لي غْناية / تطْمِّنْ لِي قلْبي / تفرشْ لي ثْنايا
ورْد ومرْجانْ / تْوصّلْني ليكْ / ويوفَى العطَشْ / قدّامْ عينيكْ
ويني عينيكْ؟
موشْ تْفاهِمْنا
غدوة نْلاقيكْ؟..
يتْعَدَّى غُدْوة
وبَعْدو غدوَة
والّي بَعْدو
وما نْلاقيكْ..
إنت نْسيتْ
تَوَّة أعْوامْ
إلّي غدْوة
وهبْتُو ليكْ
وأنا نْسيتْ
تَوَّة سْنينْ
إلّي إنت نَاسِي غُدوة
وما يَعْنيكْ !!
