اهداء الى كل من يقدر الكلمه الجميله
مزنة البوح المطيره ارتقبها دون جيه
الذبول ارهق شعوري وافتقد حرفي عبيره
استوى جمر اشتياقي وعذب الخفاق كيه
انتظاري مل صبري وارتفع للياس سيره
ارتجي مكنون عيني علي اطفي نار حيه
اخلف الهقوات دمعي شح عني في غزيره
ذيب صدري جر عاوي يزعج بطاري الحميه
يا جموح القاف لبي فيض عز وحل غيره
شاعرك حزنه طواه بحر رمضا جرهديه
يسهج بظلمى ضياعه ويتعثر في مسيره
يشحذ الهمه وينزف ما طلب للدم ديه
في جمال الحرف مولع ما عرف وشهو مصيره
وا وجودي وجد شايب شاف ذله من بنيه
اكتسى بشيب الوقار وعيت اسنينه تجيره
لا شياطينن لفتني ولا جموح اقبل عليه
اتهيالي ملا
مح مير ابقى وسط حيره
يفهق النور الظلام ويكشف المستور ضيه
ابشربعزك وجيتك للمواقيف العسيره
تشتكي شح المشاعر وانت صاحب مقدريه
تسبر الغبه وتغرف كل فارق عن نظيره
تبذر اسطور الدفاتر نقوة الاحساس ريه
تنحت بصم الصخر بترا شموخ بكل ديره
استميح العذر مبطي للهجر ما كان نيه
المواثيق اتخبرها والله اعلم بالسريره
ليست هناك تعليقات:
إرسال تعليق