عظيم شعبك يا تونس روقي تضج خلوقي فداك دمّي واصلي المرزوقي
من نسل اشراف سكنوا دوز المسميّة
في البر اعراف لنّا الصّحراء معطيّة
مهاميد اشفاف ما قصّوها بثنيّة
قارة واجراف منها الرّملة معفيّة
مقسومة اسياف حثر الجرّة ممحيّة
لا اليوم احراف تشعل نارة مقديّة
لنّا الميشاف ولنّا حبّ المانيّة
وقلوب انظاف تسمى فوق الدّونيّة
ما نرضوا العيبة والغيبة
وربطنا الهيبة بالشّيبة
والموت قريبة انباجلها لا غبّر سوقي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مرزوقي حق نزقر عل الحبّ الصّادي
على قولة طق ننسى مرضي وكسادي
قطّاف ورق يكبر غلّي واعنادي
وعدوي شرق وقتن نشته بزنادي
وطلبت الحق مصّوا دمّي فاورادي
هالقلب حرق م اللّي جاري لاندادي
ماعاد يرق شعب امسلّح باحقادي
صمّه يندق كيف قصدته باعقادي
تحلف في الفورة نافورة
طوفان الثورة المشهورة
مسمحها صورة تبرّدلي عطبان حروقي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
فهموا المحتج فهموا حتّى البطّالة
صورة وحجج خطّة قالوا فعّالة
في المال يقج هاهي الخدمة بالبالة
لاتدير هرج عندك عيلة موسالة
تخدم في درج ملاّ خسّة ونذالة
رجّوهم رج خاين باعوه رجالة
كي قلبه حرج قطّع سلّم في ماله
ماشي للحج توبة ف ارض الرّسالة
يسلب في غيره ووزيره
مذهوب الشّيره في حيره
يلزم تدبيره يشرّعها ويكون حقوقي
’,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
لا ظلّم ليل ماهو يصبغ بسواده
اليا حكم الذّيل لازم يطغى بفساده
ويهمّش جيل ينهب خيرات بلاده
ويهدّ الحيل يكثر بخاه وكساده
ويله بالويل زرع امنادي حصّاده
وفّاية كيل هبّت تحصد فامجاده
خطوتهم ميل بين العزّة وشهاده
والدّم يسيل لجل الحق وميعاده
حقّه في الشّورة دستوره
من غير الثّوره اسطوره
اليوم بيّن شوره زانت شمس الحق زروقي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في الصّيق رجال نفدوا تونس بالغالي
والموت حلال مقدّر من عند العالي
والحرب اقدال ذلّة تخلي الامحالي
فينا الصّوّال حاضن موته ويلالي
قبله قتّال سمّه فايت الاجالي
بركان وسال جمره لافي زنكالي
حاذيت انذال باعك لوّل والتّالي
لاعمرك طال ما تتهنّى باموالي
ما دامت ليّه الحرّية
تونسنا بيّة محضيّة
للشّعب هديّة حفّاقة رايتها فوقي
ليست هناك تعليقات:
إرسال تعليق