قصيدة :
رسـَــالةْ حُـــــب***
( عَارْفة ياَ حبيبتي ) ..
شَبَابيك القَلْب المَقْفُولَةَ ..
عَايزْ أفْتَحْهَا واشُوف الشَّمْس !!
والهَمْس الِّلى يدُور حَوَاليهَا..
يِتْسَجِّلْ جُوَّة كتَاب العِشْق
وحَرْف بْحَرفِِِ
أصْل انَا ِمنْ زَمَنْ التِّجْوَال
فى شَوَارعْ حُبِّى الضَّايعْ ؛
:قَفــِّلت بيبَان القَلْب وْقٌلْت
ْلَوْ ينْدَهْ تَانى عَلَيَّه الحُب
ْأنا مُشْ سَاِمع !!
تِعْرَفى ليه ؟
عَلَشَان انا عِشْت زَمَان ،
وَانَا جُوََّه ضلُوعى حَاجَات ؛
: مُشْ زَىْ بَقيت البَنِى آدْمِين !!
ْقَلْبى : كَان الُفَرَسْ الجَامِح
المَخْلُوق عَلَشَان مَايْكُون فى الحَلبَة ..
ْهُوَّ الفَرَسْ الرَّابح !!
لكن..
فى الصَّخْر المَوْجُود عَلَى أرْض الْوَاقعْ ؛ِ
ْاتــَّعْتَرْ فَرَسى قَبْل مَايوْصَل واتسَرْبل بالدَّمْ الدَّافقْ ِمن شُرْيَانى !!
عَلَشَان كَان بَاصِصْ لِلآفُقْ المُمْتدْ بعـيـــد
ْكَان ِمتْهَيَّأ لُه :
إنْ الشَّفَقْ الأحْمًَرْ فى نْهَايْة المُشْوَار ..
رُوضة أزْهَار ِمسْتَنيَّاه..
مُشِ دَمْ الشَّمْس الْمَدْبُوحَة !!
لَكنْ دلوقْت ..
وانا شايل أسْئِلْتى المَطْرُوحَة وعَايْزَة إجَابَة..
مُشْ قَادِرْ المْلِمْ لَحْم لْسَانِى
لَاجْل أقـُـول ،
وَانَا لَحْم لْسَانِى ..
مِتْبَحْتَرْ عَرْض وْطُول جُوَّه حَوَارى الْقَهْرِِ ،
ْوان كَان ِيتْلَم..
بَالْقَى حْرُوف الكِلْمَة تْتُُوووووه..
تِتــْفَــرَّطْ بين ِسنْدَان الخـُـوف
والصَّمْت !!
( عَارْفَة يَاحَبيبْتى ..
لَوْ حَ نترْجمْ حَتَّى حرُوف
كِلْمِةْ : صَمْت
( صَاد .. مِيم .. تِــه )
:رَاح نلْقَى تَرْكيبَة عَجيبَة !!
حَرْف الصـَّـاد : صبر
حتى الكلمة جاية صريحة من الصَّبَّار ..
المزرُوع فوق الشَّبَابيك ..
أو فى الحَلْق
حَتَّى الخَلْق الْعَايْشَة مْعَانَا ..
دَهَنـُوا به بق الحَلَمَات ِفى الصَّدْر !!
حرف الميم ..
يبدأ أوِّلْ كِلْمةْ : مُوت
والمُوت مُشْ لازمْ يبقَى بمَعْنَاه الحَرْفى
دَاالمَعْنَى الحَرفى لكلمِةْ( مُوت ) ..
أضـْعَفْ أنواع المُوت !!
حتى اللى بيمُوت بصَحيح مَاهْوِاش مَسْئُول !!
لَكن خُوفى عَليكى شْدِيد ..
ْأصْل انْتِى _ برْضُه – أوِّلْ حَرْف فْ إسْمِك:
مِيمِ !!
ْحَرْف التــِّـه
ياولدااااااه .. توهـة ،
و التوهة ف قلب الرَّمْل المُتَحَـرِّك..
ْمُشْ عَايْزَة قَصَايد ،
وَلا شُعَرَاء !!
لَكِنْ يَاحَبيبْتى
انا رايح الِمْ لسَانى الِمتْبَحْتَرْ فى حَوَارى الْقَهْر ،
وِأَلِمْ حْرُوف الْكِلْمات التَّايهة .. .
ْيمْكِنْ .. أَقْدَرْ أَنْطَق ،
واَفـْـتحْ شَبَابيك الْقَـلْب المَقْفُولَة ،
وِأشٌوف الشَّمْسِ !!
***
تصوير : حسنين السيد حسنين
جميل ما خط قلمك استاذى سلمت يمناك
ردحذف