‎الشاعر المصرى/حسنين السيد حسنين انشودة العطش

 

.. و يرجًَعْ الصَّدَى ،

ويرقــُصْ فـُـوق ضلـُـوعي بالكأبة ِوالآلمْ

ِيفجـَّرْ فى سطـُـوري - ِمن عذابي - أغنيـَـة ،

وتبلَعْ السـَّحَابَة ألف ِنجْم كَان صَديق 

ِيعتـِّـمْ الطـَّـريق اللى أبتديتــُه بالضـِّـيَا ،

وتبهَت ْالمَلامحْ فى الوشـُـوش وفى الصـِّـوَرْ ،

ِوتعلنْ المرَايَة – جـُـوَّه ِمنـِّـى – عَجـْـزَهَا

اشدْ ِمنْ عرُوقي جذر بذرة الجَفـَـاف ..

أِحس ْ- ِفى الحقيقة – ان قلبى .. قلبَهَا 

أندَسْ فى الشـَّـوَارعْ والحَوَاري والعطـُـوف

أطـُـوف عَلى البيـُـوت اللي جدُورْهَا مشقـَّـقـَـة

( ِمخدِّة العذارَى مَشـْـَنقة – عَلََى السِّرير - 

ِتِحنْ ِللْعَرَقْ )

أتذكَّرْ الوشـُـوش اللي بترسم ْكل يُوم ..

ِبريشة القلـَـقْ :

فى لـُـوحة الجَفافِ بالأيدين العَرْقانين ،

وحـُـزن ع َالجبين ومن ْسـُـكَات بيتنقـَـشْ ..

ِتردِّدْ الوشـُـوش :

أنشـُـودة العَطـَـشْ : 

عَطـَش ْ ..

عَطـَش ْ ..

عَطـَشْ

***

يعربد الصَّدَى ..

تتيبس فى الملامح ألف صورة للفزع ْ:

كطفل بينتزع من امه لحظة الرضاع ؛

ولحظة ماالشراع فى وسط بحر ينكسرْ ؛

ولحظة الحريقة وسط غابة السباع ؛

ولحظة المواجهة بالحقيقة كلها ؛

ولحظة الخيانة بالخناجر والحروف ؛

وكسرة السُّيُوف المنطويَّة ف مجْدَهَا ؛

ولحظة الخرس ْ؛

ولحظة الحرسْ مايدق باب الابريَا

تتصلب العروق اللى ف خريطة الجسد ْ..

وتصرخ الدِّمَا ،

وتصرخ العروق بكل قوة يأسَهَا ..

بالنبض اللى ارتعش ْ :

عَطـَشْ ..

عَطـَش ْ..

عَطـَش ْ..

***

ِيرَفـْـرَفْ عَصْفـُـورين عَلىَ الغصُون الدَّبـْـلانين

وَاخدْهُم الحنين للانطلاق ِوالزَّقــْـزَقـَـة ،

ِومْرَاوِْغة الصَّيــَّاد ابـُو الـْـعُيُون مَالـْـهَاش رمُوش ،

ِوالنـــُّــومَة – ِفى العشـــُـوش – ِمنْ بَعـْـد نـَـشِْوةْ الِمسَا

يهلْ ِطيف حَبيبـْـتى – غصْب عنىِّ – ِطير حَِزين

فـُـوق بَحْر الذاِكرَة 

شايل لِّى فـُـوق ِجناحُه حزن عُمْرُه ألف عَام

ِمن قبـْـل مَاالكَلام ِيقدَرْ يتَرْجمْ البـُـكَا !! ،

ِوقبـْـل مَاالأغانى عَ الــرَّبَابـَـة تكُون صَبَا ،

ِوقبـُـل ماالدِّيَابة تِمـْـتلك ْ..عَرْش الـْـقلـُـوب ،

ِوتصْبَح ْالشــُّـعُوب ِلعـْـِبةْ سيَاسَة ..

ِفى البُورَصْ !!

***

( ِحوَار )

** حَبيبتى .. مدِّى ايدكْ ِوانِقذينى ِم الشـَّــجَنْ

ْ اوْشمينى فـُـوق ضلُـُـوِعكْ وارْسمينى مََطـْـرقـَـة ..

نفتـِّـتْ الصُّخُور اللى فْ طريقـْـنَا ِمنْ زَمَن ْ

نفتـَّـحْ العُيـُـون اللى فْ بزَاِزكْ ِبالْحَِليب ..

أحسْ ِباهتزازكْ وارتعـَـاِشة الجَسَدْ

ِيغنـِّـى العَنـْـدَليب نـَـشـْـوَاااااان بلحـْـِظة ْا للـُّـقا ،

ِوتفـْـردْ المَرَاِكبْ تـُـوب قلـُـوعْهَا للرياح ؛

ويطلع الصَّبَاح ِيرْشدْ مَواكبْ الآمـَـلْ ؛

وجَرحى ِيندمَلْ بَعْد امْــتلآؤه ِْبالصَّديد !!

حَبيبنتى مدِّى ايدك ْ..

حبَيبـْـتى ِمدِّى ايدك ِْوانقذينى م العَدَمْ !!

** حبيبى .. صَوْلجَانك ِمشْ فى ايدك ْمن زمَان ،

ِولسَّه ع َالبيبـَـان دقــَّات ايديك حنيـِّـنَة ،

ِولسَّه ِفى الوشـُـوش نفـْـس الكآبة المُوحشة ،

ِولسَّه فى الحِشـَـا جَنين مُهَدَّدْ بالسـُّـقـُـوط ..

ِفى لعـْـبة الدَّوَايرْ والخطـُـوط المُؤلمَة !!

***

** حَبيبـْـتى .. ِمدِّى ايدك ْ

حبيبتى مدِّى ايدك ْوانقذينى م الخـَـطَرْ

( عَيْناكِ غابتا نـَـِخيل سَاعَة السَّحَرْ

أو شـُـرْفتان رَاحَ ينأى عَنْهُمَا القمَرْ

عَيـْـنَاِك ِحينَ تبـِْسمََان تُورقْ الكُرُوم ) * ؛

وتلآلآ النجـُوم الآسـْـطـُـوريـَّـة فى السَّمَا 

ِنغـَـنىِّ مَلـْـحَمَة عَلىَ الشـِّـطـُـوط المُجْدبـَـة ..

نرجَّعْ الصِّبَا ف عْرُوق كهـُـولة الزَّمَن ْ ،

وندوِّب ْالفروق اللى صَانعـْـها بُعْدنـَا !!

حبيبتى مدى ايدك ..

حبيبتى مدى ايــ ـ ـ ـ ـ ـ ـ ـ ـ ـ ـ ـ ـ ـ 

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ 

ــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ 

.. يغيب طيف الحَبيبَة ام الجدَايلْ والشعُور ،

والم توب خيالى من شطوط الذاكرة ،

وأمشى ليل القاهرة حزيــ ـ ـ ـ ـ ـ ـ ـ ـ ـ،ـــــن 

وحزنى ع الجبين ومن سكات بيتنقش ْ

تردد الوشوش :

أنشودة العطشْ :

عطش ..

عطش ..

عطش .. 

***