احضنينى:: كلمات:: احمد الحج

 

 

 

احضنينى


احضنى فيا الحنين

وامسحى ظلم السنين

انا بعدك ليا مين

دفى روحى وارحمينى

احضنينى


امسحى دمعى يا امى

مد ايدك لى وسمى

لو هجرتك غصب عنى

كنت بنده ما تسمعينى

احضنينى


دفى قلبى وشيلى خوفى

منتى عرفه ايه ظروفى

عشت خايف مت خايف

والكلام فارق الشفايف

وبالدموع مليانه عينى

احضنينى



كونى جنبى متهربيش

جواكى مش عارف اعيش

عشت فيكى وممعيش

دنا بعدك لا مليش

وانتى ليا مبتسمعيش

بس مره اسمعينى

احضنينى



احضنى الحب اللى فيا

دفى قلبى وعيشى ليا

وارجعى تانى عفيه

لملمى جراحى وخدينى

حضنينى


يا مصر قومى وشدى حيلك

وازرعى ارضى بنيلك

ليه بترمينى لغيرك

ليه مصره تجرحينى

احضنينى



عشت فيكى وكلت خيرك

كنت برسم خط سيرك

لو هيسمحلك ضميرك

اهون عليكى تعزبينى

احضنينى