مَـــــجْـــــــمَـــــــعْ الــشُــــــعَـــــرَاء

ياللي تعينون الزمان ف بلاويــــه

ماأنـــتــم قرابه لـــــو تقولو قرابه

وقت الرخا كل ٍ ف قربك مماشيه

و وقت الشدايد ما فتح حد بابــه

حتى الحبيب اللي نحبّه و نغليه

ضيّعت عمري في متابع سرابــه

يا هيه ماني بهيه لو قلت يا هبه

لا بو غرام ٍ حـــد فـ الـــــقلب نابه

بعض الغلا من يدهل ف صدر غاليه

ينعاف كله من سيايــب عـــذابه

اثر الهوى يسعود بـأيـــذل راعيه

و ايعيـّـشــه بين الحزن و الكآبه

واللي اخذ قلبي و روحي باياديه

للحين اصد اسهامه بـــكل رحابه

تبختري يا جروح قلبي بــمحانيه

والله مااشكي لغير رب ٍ نــهــابــه

و اللي لاجل جنسيتي قال مابيه

لابــوه لابـــــو مــن لهم قيل لابــه

من الهم قلبي فيه عمر ٍ يكفّيــه

وش لي بناس ٍ ما تعرف الذرابـــه

انا ابدوي و افخر باصلي و اعلّيــه

و اهيم بالصحراء و اعشق الربابه

الــيا نــدهت الطيب ايــقول لـبّـيه

واسمي نقشته بالذهب في كتابه

و اليا حضرت الشعر زانت قوافيــــه

و الــجــزل شعره حاضرٍ في غيابـــه

و اللي طعن فيني اباضحك و اخلّيه

جاهل و صمتي عنه عز و مهابــــه

اصاحب الوافي و اقدّمه و اغليــــه

و احطّه ف عيني و اقـــدّر جنابــه

و محبوب قلبي لا زعل منّي ارضيه

و اعيش ذيب ٍ حيث هالوقت غابه

و اللي يظن بعده يذلّن فلا اجيــــه

شامخ و رمــيــاتــه تـــزيدن صــلابه

عايد مرزوق العويس ـ المانيا